Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

شمال ته د کډوالو راستنېدو په شمېر کې پنځه برابره کمښت راغلى

شمال ته د کډوالو راستنېدو په شمېر کې پنځه برابره کمښت راغلى

By
On
Nov 26, 2017 - 17:03

مزارشريف (پژواک، ۵ ليندۍ۹۶) د شمال زون د ملګرو ملتونو د کډوالو د عالي کمېشنري وايي چې د هېواد شمال ته له پاکستان او ايران څخه د راستنېدونکو کډوالو په شمېر کې پنځه برابره کمښت راغلی دی.

دغې کمېشنرۍ د ليندۍ په ۵مه، د شمال زون په کچه له بې ځايه شويو او له بهره راستنو شويو کورنيو سره د ژمنيو مرستو لړۍ پيل کړه.

په شمال زون کې د يادې کمشنرۍ استازي سريچکو نريمان د دغو مرستو د وېش پر مهال رسنيو ته وويل، د تېر کال په پرتله په روان زيږديز کال کې له پاکستان او ايران څخه د کډوالو د راستنېدو کچه خورا ټيټه شوې ده.

نوموړي زياته کړه،په ۲۰۱۶ کې د افغانستان شمال ته له پاکستان او ايران څخه کابو د افغان کډوالو ۸۰ زره کورنۍ بېرته ستنې شوې وې.

خو هغه وايي، په روان ۲۰۱۷  کال کې تر دې دمه ۱۵زره کورنۍ شمال ته ستنې شوې دي.

نريمان وايي، دا ښيي چې د تېر کال په پرتله  پنځه برابره کم کډوال راغلي دي.

نوموړي په شمال زون کې له بې ځايو شويو او له بهره راستنو شويو کورنيو سره د مرستو د پيل شوې لړۍ په تړاو وويل، په پام کې لري چې شمال او شمال ختيځ کې له ۱۲۵۰۰ کورنيو سره مرستې وکړي.

د هغه په وينا، هرې کورنۍ ته به له ځينو توکو سره ۲۰۰ امريکايي ډالر د ژمنيو مرستو په توګه ورکړل شي.

مېرمن ګلثومه، چې له خپلې کورنۍ سره مزارشريف ښار ته بې ځايه شوې وه، له دغو مرستو برخمنه  شوه.

نوموړې د مننې تر څنګ له افغان دولت څخه د روان ژمي په اوږدو کې د لا زياتو مرستو غوښتنه وکړه.

بلخوا د بلخ د کډوالو چارو رييس عبدالصبور قادري پژواک ته وويل، سږکال دغه ولايت ته د شمال زون له نورو ولايتونو څخه ۲۵۰۰ کورنۍ بې ځايه شوې دي.

نوموړي د دغو کورنيو د بې ځايه کېدو لامل ناامني او بې روزګاري وګڼله.

د کډوالو چارو وزارت د معلوماتو له مخې، سږ کال په ټول هېواد کې شاوخوا ٤٠٠ زره کسان بې ځايه شوي  چې دوى ورته د ژمنيو مرستو وېشلو پلان جوړ کړى دى.

Related Article


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

Add new comment

Advertisement

Advertisement

Twitter Update