د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د سپین غر لوبډلې د غازي امان الله کرکټ سياليو اتلوالي خپله کړه

د سپین غر لوبډلې د غازي امان الله کرکټ سياليو اتلوالي خپله کړه

Aug 20, 2017 - 10:29

جلال اباد (پژواک، ۲٩ زمری ۹۶): د هېواد په کچه د زونونو تر منځ د غازي امان الله خان کرکټ سياليو اتلوالي سپین غر لوبډلې خپله کړه.

د زمري ٢٨مه چې د خپلواکۍ ورځ ده په همدې ورځ ننګرهار کې د خپلواکۍ د اتل غازي امان الله خان په لوبغالي کې د هېواد د پنځو زونونو تر منځ د غازي امان الله خان یو ورځنیو کرکټ سیالیو پای لوبه ترسره شوه.

په پاى لوبه کې سپين غر لوبډلې، بُسټ لوبډلې ته په ماتې ورکولو سره وکولاى شول چې د دې سياليو اتلوالي خپله کړي.

د یادو سیالیو پای لوبې ته د ننګرهار والي محمد ګلاب منګل، د لغمان والي عبدالجبار نعیمي، د ۲۰۱ سیلاب قول اردو قوماندان ډګر جنرال محمد زمان وزیري، د لومړۍ سرحدې لوا قوماندان محمد ایوب حسین خېل، د کرکټ بورډ عمومي مشر عاطف مشعل او ګڼ شمېر نور مينه وال يې ورغلي وو.

د ننګرهار والي سپین غر لوبډلې ته د غازي امان الله خان یو ورځنیو سیالیو د اتلولۍ مبارکي ورکړه او د کرکټ بورډ ادارې څخه یې مننه وکړه چې د یادو سیالیو پای لوبې یې په ننګرهار کې د خپلواکۍ د اتل غازي امان الله خان په لوبغالي کې ترسره کړه .

یادو مسوولینو له پای لوبې وروسته یو شمېر لوبغاړو ته ډالۍ، سپین غر زون لوبډلې ته د لومړي مقام او بوست ته د دويم مقام کپونه ورکړل.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement